Tal e como estaba previsto tivo lugar esta presentación o venres 12, ás 20 horas. O público encheu a Galería Sargadelos e escoitou atentamente a explicación da poeta sobre as causas que provocaron este poemario: o tempo de desconcerto orixinado pola explotación mineira e o espolio dos nosos recursos, a cavilación sobre o que fixeron de nós e o que vai ser de nós tamén e a ausencia da nosa propia historia, que nos muda case nos nosos peores inimigos, para  empregarmos versos da propia poeta. Foron moitos os libros asinados pola autora para os alí presentes.