Día 7, sábado, excursión a Ourense, para visitar a exposición sobre o reino suevo. Saída ás 9.30 de
Correos.
Día 16, ás 20 horas, Antigo Hospicio, Pilar García Negro e
Pilar Pallarés evocarán e valorarán a
figura e a obra de Carvalho Calero, na súa polifacética dimensión.
Día 19, ás 20 horas no Antigo Hospicio, Quen e como se financian os servizos públicos na Galiza hoxe? Xosé
Díaz Díaz, experto en sistemas de financiamento, responde ás seguintes
preguntas:
1.-Qué é un sistema de financiamento?
2.-Qué tipos de sistemas de financiamento existen no caso do Estado
español?
3.-Como funciona e que obxectivos políticos persegue o sistema de
financiamento xeral?
4.-Cal é a carga fiscal soportada realmente por Galiza?
5.-Ten ou non Galiza capacidade para financiar o seu autogoberno?
6.-En que consiste o denominado sistema de concerto?
7.-Cais son logo as diferenzas cuantitativas e cualitativas entre os dous
sistemas, o xeral e o de concerto?
8.-Que acontece co sistema de financiamento dos concellos galegos?
9.-Ten Galiza capacidade para poder contar cunha política fiscal que
garanta unha autonomía política beneficiosa para o país?
10.- É o sistema de financiamento a única forma de succión de recursos
económicos de Galiza ou hai outras formas de apropiación do noso excedente a
maiores?
Trátase dun seminario no que cada unha destas preguntas será respondida nun
tempo nunca superior aos cinco minutos, para logo entrar nunha rolda de
intervencións por parte das persoas asistentes co obxectivo de clarificar unha
serie de cuestións que, malia a súa importancia para o noso benestar e progreso
como pobo, se agochan ou manipulan coa intención de crear na sociedade galega a
idea de vivirmos grazas a España.
Día 25, ás 20 horas, Antigo Hospicio, presentación do número 2
da Revista Follas Novas sobre Rosalía de Castro.
0 comentários:
Postar um comentário