Celebramos o 24 de febreiro, os 180 anos do nacemento de Rosalía, cunha explosión de música e poesía de fundamento rosalianos. O público que ateigaba o salón de actos da Escola de Idiomas gorentou dos tres poemas de Cantares Gallegos que, con habelencia, transparencia e intencionalidade executaron a cantante Lidia Piñeiro e o pianista André Pazos.
Os tres poemas pertencen ao disco de Tempo Catro, Rosalía, os ollos que falan. A seguir Ramón Afonso e Luisa Sánchez recitaron cinco poemas de Follas Novas: Soia!, Decides que o matrimonio, A xusticia pola man, Xigantescos olmos..., e Xan, demostrando a modernidade, fondura e complexidade do universo poético rosalianos.
Todas as persoas foron agasalladas con camelias, recollidas para a ocasión por Dosita Loureiro
Fotos e vídeo: Miguel Anxo
0 comentários:
Postar um comentário