A palestra sobre a situación do galego, desenvolvida na Escola de Idiomas, o día 29 de xaneiro, a cargo de Isaac Alonso Estraviz, autor, entre outras publicacións, dun extraordinario Dicionario da Lingua Galega, o primeiro e máis exhaustivo,
de xenuíno carácter semántico, e aínda hoxe o mellor enfocado, serviu non só para dar unha información histórica sintética sobre o tema. Tamén axudou a provocar un debate no que saíron os problemas intrínsecos e contextuais, socio-políticos, cos que o galego
se enfronta. Debateuse sobre o ensino en galego e do galego, sobre as variades dialectais do idioma, sobre a cuestión normativa e, de forma viva, sobre a pertinencia ou non do uso da gheada, como fenómeno xeneticamente galego ou provocado pola influencia do
castelán. En todo caso, quedou claro que o futuro do idioma non estaba ditado, e que, malia vivirmos unha situación crítica e de grave retroceso cuantitativo nos seus usos, a súa sorte vai depender de se a sociedade galega acaba asumindo ou non os seus dereitos
e a responsabilidade de si mesma.
Videos do acto:
0 comentários:
Postar um comentário