Alexandre Péres
Vigo desenvolveu unha amena disertación sobre o reino suevo da Galiza, apoiado
en imaxes tiradas da exposición que, sobre esta cuestión, está aberta en
Ourense. Falou sobre a chegada dos suevos a Galiza, a instauración do seu
reino, os sucesivos monarcas e vicisitudes, prestando especial atención á forma
de convivencia e incardinación coa sociedade galaico-romana.
Asemade subliñou
que foi o primeiro reino xermano que se instalou , a finais do Imperio romano,
nunha zona da Europa. Explicou a conversión dos suevos ao catolicismo, tamén a
primeira entre os xermanos. Puxo de relevo que emitiu moeda propia, en
abundancia e variedade. E indicou que chegou a dominar case toda a península a
mediados do século V.
Nada menos que 175 anos de duración tivo que, contra toda
evidencia, son anulados na historia que se imparte aos nosos escolares, para os
que só existe o reino visigodo, conforma aos libros de texto ao uso, de forma
exclusiva ou abafante. Alexandre Péres ilustrouno cun libro de secundario en
uso do ensino obrigatorio na Galiza.
Ao final, houbo
un animado coloquio, coa participación dos varios dos asistentes. A palestra
forma parte da información previa á excursión que Medulio organiza para o día 3
de marzo a Ourense coa finalidade de visitar a exposición devandita.
0 comentários:
Postar um comentário