A celebración do DÍA DE ROSALÍA, organizada por Medulio, foi a máis numerosa e participativa das que tiveron lugar en FERROL. O acto consisitíu nun percorrido por Cantares Gallegos contando coa a actuación do Grupo de Teatro da Sociedade, a análise de Francisco Rodríguez dos poemas escenificados e a intervención de Joám Ferreiro Caramés sobre a amizade do matrimonio Rosalía-Murguía co naturalista Víctor López Seoane, unha das persoas de Ferrol que formou parte da rede social para conseguir subscricións para o libro auroral da literatura galega.
A audición de dous poemas, Has de cantar e Miña Santa Margarida, musicados polo Sexteto Tempo Catro, do cd, Rosalía de Castro, os ollos que falan, foi introducida por un dos compoñentes do grupo, Andrés Pazos. Presentou o acto o vicepresidente de Medulio, Manuel Rei. Máis unha vez púxose de manifesto o enlevo e atractivo da poesía rosaliana e do seu mundo para un público de hoxe.
0 comentários:
Postar um comentário