Comezaron o 5 de marzo, martes, as xornadas de rehabilitación da figura e da obra de Benito Vicetto, organizadas por Medulio e Ferrolterra Antiga co gallo dos douscentos anos do seu nacemento en Ferrol. Numeroso público, que abarrotaba a sala do Antigo Hospicio, seguiu con sumo interese a exposición que sobre a visión do mundo antigo, os suevos e a Idade Media se desprende da Historia de de Galicia do escritor ferrolá. A análise de cada un dos temas correu por conta, respectivamente, de Antonio Casal Velázquez, Alexandre Peres e Francisco Rodríguez. Ao remataren a súa exposición, que se poderá seguir en breve nesta páxina web, tivo lugar un animado coloquio.