Baixo este lema,  que pertence a unha peza dramática de Manuel María, coloca MEDULIO a súa programación do mes de Abril, mes no que aconteceu a rebelión  galega de 1846, tema da devandita obra. Tanto Manuel María como o levantamento  de 1846 forman parte da nosa actividade.   Tendo a poesía de Manuel María como base, haberá dous actos, un o día 23, as 12, no Cantón  (Antigo Hospicio rehabilitado,  en Amboaxe, de chover)  coa  leitura e canto de seus 20 poemas por 20 persoas, cadansúa   o seu.  Outro, o día 30, no Torrente Ballester, ás 19 horas, será a posta en escena de Aventuras e desventuras dunha espiña de toxo chamada Berenguela, polo Grupo de Teatro da Medulio,  con música e canto.

O día 26, na Galería Sargadelos, haberá unha sesión de Coñece a nosa historia, sobre o levantamento de 1846 e o seu impacto na prensa española da época.  Aínda sen confirmar,  o día 16, poderíase presentar , na Galería Sargadelos, ás 11.30,  as actividades  de Medulio  sobre  A Irmandade da Fala de Ferrol, e os actores Charlón e  Hermida.