Este ano 2016 preséntase como especialmente relevante do ponto de vista da posibilidade de espallar socialmente coñecemento da traxectoria cultural do pobo galego e da nosa historia contemporánea, do significado e necesidade do nacionalismo.
Cúmprense 100 anos da fundación das Irmandades da Fala, 130 do nacemento de Castelao e o Día das Letras galegas vai dedicado ao poeta Manuel María. En todos os casos, a Sociedade Medulio vai encarar actividades diversas guiadas polo afán de incidencia social e participación da xente , a través de múltiples formatos e en ambientes diferentes. Con esta pretensión, propomos as seguintes actividades:
1.-Irmandades da Fala:
- Espallamento de trípticos informativos sobre As irmandades en Ferrol e os casos particulares de dous activistas, Charlón e Hermida.
- Proposta de colocación de placas en inmóbeis relacionados coa fundación das Irmandades e coa vida dos dous activistas, buscando a colaboración do concello.
- Teatro lido: Mal de Moitos de Charlón e Hermida, nalgún pub ou cafetaría...O espallamento na rúa, nos centros de ensino e nos centros de traballo do material editado será fundamental. O obxectivo é recuperar memoria histórica, coñecemento e valoración sobre nós propios..Contamos coa a asesoría de Laura Tato para a elaboración do material devandito.
2.-Castelao:
- Recuperar as charlas informativas sobre a súa obra plástica, dando a coñecela en versión dixitalizada.
- Visita a Pontevedra, Museu, e roteiro da súa vida: 30 de febreiro.
- Aclaración sobre o federalismo en Castelao, como forma de contrastar co presente político no Estado español.
- Castelao e Bóveda, un dúo fundamental: o reflexo do compañeirismo e a identificación na arte e na economía: A derradeira lección do mestre, a capacidade fiscal de Galiza (sistema de concerto).
3.-Manuel María
- Montaxe da obra, A espiña de toxo
- Exposición e venda con antelación ao mes das Letras das edicións da Fundación Manuel María.
- Curso monográfico, revivindo os nosos clásicos, sobre Manuel María polas mesmas datas.
- Recitado de obra poética nunha praza pública con participación popular
- Visita á Casa de Manuel en Outeiro e mostra da actividade sobre o poeta de Medulio.
0 comentários:
Postar um comentário