Medulio fletou un autobús desde Ferrol para participar no Convivio Cultural Galego. A cita foi todo un éxito. O grupo de Teatro da Sociedade escenificou dous poemas de Rosalía e un de Manuel María no salón de actos da Casa Museo que leva o nome do poeta. Moitas outras actividades, música, orquestras, coros..., completaron a xornada, incluídos os percorridos guiados pola Casa de Manuel María e unha homenaxe perante a súa tumba no cemiterio parroquial. A carballeira de Santa Isabel á beira do Miño foi o lugar para o xantar e o contacto de persoas vindas de todas as partes da Galiza. As Asociacións Culturais presentes, unhas trinta, informaron sobre a súa forma de facer cultura galega e tomaron algún acordo de importancia, do que se terá a debida información pública no mes de setembro.
0 comentários:
Postar um comentário